Azərbaycanda avtomobil sifarişi tələsi: Onlarla vətəndaş aldadılıb - VİDEO

"Məndən başqa 86 nəfər də aldadılıb". "19 min manata yaxın pul ödədim, ortada nə maşın var nə pul". Avtosfer.az xəbər verir ki, son bir il ərzində onlarla belə şikayət işıqlandırılıb. Fərqli şirkətlər və fərqli şəxslər olsa da, eyni vədlərlə aldadılan insanların sayı xeyli artıb. Nəzərə alsaq ki, xaricdən avtomobil sifariş etmək əksər hallarda daxili bazardan daha ucuz başa gəlir, bu səbəbdən belə xidmətlərə tələbat da yüksəkdir.

Yaşı 60-dan yuxarı olan şəxslərin işdən çıxarılması qadağan edilir? - VİDEO

Bəs vətəndaşlar aldadılmamaq üçün nə etməlidirlər?

Mütəxəssislərin sözlərinə görə, belə halların qarşısını almaq üçün ilk növbədə alış-verişin rəsmi qaydada həyata keçirilməsi vacibdir. Onlar bildirirlər ki, müqavilə bağlanmadan pul verilməməli, şirkətin rəsmi qeydiyyatı yoxlanılmalı, ödənişlər bank köçürməsi ilə həyata keçirilməli və müvafiq qəbz tələb olunmalıdır. Bundan əlavə, avtomobil sifarişi zamanı ödənişin 100 faiz əvvəlcədən edilməməsi də tövsiyə olunur.