Azərbaycanda avtomobillər "qocalır" - Maşınlarımızın neçə yaşı var?

Dövlət Statistika Komitəsi ölkənin avtomobil parkındakı vəziyyətlə bağlı ən son məlumatları açıqlayıb.

Avtosfer.az statistik məlumatların təhlilini aparıb.

2022-ci ildə Azərbaycanda qeydiyyatda olan 1.4 milyon ədəd minik avtomobilinin 45%-i (634 mindən çoxu, təxminən hər 2 avtomobildən biri) yaşı 20 il və daha çoxdur. Yaşı 10-20 il olan avtomobillərin sayı 545 mindir, bu, minik avtomobillərinin ümumi sayının 38.4%-ni təşkil edir. Ümumi avtomobillərin cəmi 17%-inin yaşı 10 ilə qədərdir.

Əvvəlki illərlə müqayisədə Azərbaycanda "qoca" maşınların sayı artıb. Belə ki, 2019-cu ildə Azərbaycanda yaşı 10 ildən çox olan avtomobillər 78% təşkil edirdisə, 2021-ci ildə bu rəqəm 80%, ötən il isə 83% olub. 

2022-ci ildə minik avtomobillərinin yaşı aşağıdakı kimi olub:

Ölkənin avtobus parkında isə vəziyyət daha pisdir. Belə ki, ölkədə olan 31 mindən çox avtobusun 63%-dən çoxunun yaşı 20 il və daha çoxdur. Avtobusların sadəcə 12%-ə yaxınının yaşı 10 ilə qədərdir