Azərbaycanda ötən il qaçırılmış avtomobillərin sayı açıqlandı - VİDEO

Ötən il qaçırılan avtomobillərin sayı açıqlanıb,

2022-ci ildə respublika üzrə qaçırılan nəqliyyat vasitələrinin sayı ötən illə müqayisədə 14 fakt azalaraq 181-ə qarşı 167 olub, görülən tədbirlər nəticəsində onlardan 164-ü isti izlərlə tapılıb. Respublikanın rayonlarında qaçırılan 73 avtomobildən 72-si, Bakı şəhəri üzrə qaçırılan 94 avtomobildən 92-si tapılıb.

Avtosfer.az xəbər verir ki, bu barədə DİN-in BDYPİ-nin nəqliyyat vasitələrinin qaçırılması halları ilə bağlı məlumatında deyilir.

Bildirilir ki, bu növ cinayətlərin obyekti əsasən sutkanın qaranlıq vaxtı yaşayış zonalarından kənarda, işıqlandırılmayan yol sahələrində saxlanılan, səsli həyəcan siqnalı ilə təchiz edilməyən, kilit sistemi zəif olan, habelə asan hərəkətə gətirilən nəqliyyat vasitələri olur ki, bu da sonradan xoşagəlməz nəticələrə gətirib çıxarır.