Azərbaycanlı Almaniyada rəisin üstünə maşın sürdü, görün nələr oldu 

Almaniyada yaşayan soydaşlarımızdan biri Toğrul Əziz özünün facebook profilində maraqlı məlumat paylaşıb. Avtosfer.az məlumatın maraqlı olduğunu nəzərə alaraq qısa ixtisarla diqqətinizə çatdırır: «Köln şəhərinə yaxın şəhərlərin birində bir dostumuz var, yolla gedəndə bunun «Jeep»inin  qabağına ikiqapılı balaca «Ford» çıxıb. İşarə eliyib ki, çəkil kənara keçim. «Ford» sürən də əliylə işarə eliyib ki, sürət həddinə əməl edirəm, yəni, qanuni sürürəm, mane olma. Dostumuz da «Jeep»i sürüb bunu yandan sıxışdırıb salıb torpaq yola ki, adamlığın olsun, «Jeep»imin qabağında ikiqapı "zapıyla" nə işin var? Dostumuz danışır ki, 2 km getmişdim, baxdım ki, 3 polis maşını yolu kəsib. Onu maşından düşürüb əl-qolunu qandallayıblar. Elə bu anda həmin o ikiqapılı «Ford» gəlib çıxıb. İçindəki adam düşən kimi hər 3 polis maşınındakı 6 polis fərəqət durub "çest" veriblər ki, "cənab rəis, avtoxuloqanı zərərsizləşdirdik": Məlum olub ki, həmin o ikiqapılı maşın sürən şəxs yol polisi rəisi imiş. Bu əməlinə görə azərbaycanlıya 6 bal və 450 avro cərimə yazıblar».

Emin