Bakıda 300 minlik maşın qəzaya uğradı - FOTO

Dünən Bakıda "Ferrari" avtomobili qəzaya düşüb. Avtosfer.az-ın anspress-ə istinadən məlumatına görə, hadisə axşam saatlarında Gənclik metrosu yaxınlığında baş verib. Hadisə yerindəki şahidlərin bildirdiyinə görə, avtomobilin sürücüsü idarəetməni itirərək səkiyə çıxıb. Hadisə nəticəsində xəsarət alan olmayıb. Ancaq bahalı avtomobilin ön tərəfi sıradan çıxıb. Qəzanın baş verməsinə yüksək sürətin səbəb olduğu ehtimal edilir. 

Qeyd edək ki, “Ferrari” avtomobilləri ən bahalı maşınlardan sayılır. 3-4 saniyədə 100 km/s sürət yığa bilən avtomobil idman üslubunda dizayn edilib. 

Xüsusi dəbdəbəli görünüşü ilə seçilən bu nəsil avtomobillərin ən ucuzu 300 min manatadır.