Bakıda bir maşını eyni yerdə iki dəfə vurdular – VİDEO

Bakıda təhlükəli yolayrıclarının olduğu heç kimə sirr deyil. Onlardan biri də Nizami rayonu, 8-ci km qəsəbəsi ərazisindədir. İzlədiyiniz bu video həmin ərazidə çəkilib. Avtosfer.az-ın məlumatına görə, mebel daşıyan «VAZ2104» markalı avtomobil həmin yolayrıcında baş bir avtomobil tərəfindən vurulur və dərhal aşır. Ətrafdakı insanların köməyi ilə aşmış maşını düzəldib yolun kənarında saxlayırlar. Üstündən 5 dəqiqə keçməmiş həmin yolayrıcında daha bir yol qəzası baş verir. Yenə də yolayrıcını düzgün keçmədikləri üçün bir-biri ilə toqquşan maşınlardan biri sürətlə az öncə aşmış «04»ə çırpılır və «lənətlənmiş maşın» ikinci dəfə ağır zərbəyə tuş gəlir.

Bu, sadəcə sıradan bir qəza görüntüsü deyil. Avtosfer.az saytı bu kadrları ona görə təqdim edir ki, aidiyyatı qurumlar həmin yolayrıcına baxış keçirib qəzaların başvermə səbəbini aydınlaşdırsınlar və lazımı tədbirlər görülsün. Əks halda, belə məzəli və ağır hadisələrin sayı çox olacaq.

Elməddin