Bakıda piyadalara meydan oxuyan sürücülərin– VİDEOsu

Təkcə son 6 ayda Azərbaycanda baş verən 1216 yol qəzasında ümumilikdə 512 nəfər ölüb,1234 nəfər isə müxtəlif dərəcəli bədən xəsarətləri alıb. Bu qəzalar tək sürücülərin səhlənkarlığından deyil, eyni zamanda piyadaların məsuliyyətsizliyi ucbatından da baş verir. Xüsusilə də piyada keçidlərindən istifadə etməyənlər üçün bunun nəticəsi ağır olur. Ya ölümlə nəticələnir, ya da ki, qəzanın qurbanı olan şəxs ömürlük sağlamlığından məhrum olur. Bu ilin 6 ayı ərzində 160-dan çox piyada dünyasını dəyişib. Səbəbi çox sadədir, ya piyadalar qaydaları pozub yolun hərəkət hissəsinə çıxırlar, ya da sürücülər piyadalara hətta piyada keçidlərində yol vermir və nəticəsi də göz qabağındadır. Avtosfer.az-ın oxucular tərəfindən göndirələn videomateriallar əsasında hazırladığı bu görüntülərin hamısı Bakıda çəkilib. Əlavə şərş verməyəcəyik. Sadəcə baxıb nəticə çıxarmaq, sürücü mədəniyyətinin səviyyəsi barədə qərara gəlmək lazımdır. Bəlkə də bu sürücülərin əksəriyyəti piyadaya yol verməli olduqlarını bilmirlər…

Elməddin