Bakını qarışdıran 4 “avtoş” tutuldu – Xüsusi əməliyyat

Bakı Şəhər Dövlət Yol Polisi İdarəsinin əməkdaşları 2 gün öncə xüsusi əməliyyat keçirib. Avtosfer.az Aznews.az-a istinadən xəbər verir ki, Binəqədi rayonunda yerləşən Zərifə Əliyeva parkının qarşısında “avtoş”luq edən 4 sürücü saxlanılıb. Əməliyyata Bakı Şəhər Dövlət Yol Polisi İdarəsinin İnzibati xəta haqqında işlər üzrə qərarların icra şöbəsinin rəisi Malik İbrahimov rəhbərlik edib. Əməliyyat zamanı bir aydır ki, axtarışda olan, polislərin heç cün zərərsizlədirə bilmədiyi “Hyundai Sonata” markalı 10 ON 013 dövlət nömrə nişanlı avtomobil də ələ keçirilib. Saxlanılan avtoxuliqnaların işi Binəqədi Rayon Məhkəməsinə göndərilib.