“Bandit9”dan gümüş mərmi: Aerokosmik alüminiumdan hazırlandı - FOTO

İstehsal etdiyi özəl dizayn modelləriylə tanınan “Bandit9”, NASA-dan ilham aldığı yeni motosikletini təqdim etdi. Avtosfer.az xəbər verir ki, nəqliyyat vasitələrini adətən, sənət əsərinə çevirən “Bandit9” yeni motosiklet modelini ortaya çıxarıb. 
NASA-nın kosmik nəqliyyat vasitələrində istifadə etdiyi aerokosmik alüminiumdan hazırlanmış  motosiklet gümüş mərmini xatırladır. Şirkətin daha əvvəl istehsal etdiyi modellərin əksinə “Odyssey” limitli sayda olsa belə satışa çıxarılacaq. 
Belə ki, “EVE Odyssey” bütün işıqlandırma sistemini, sükan çarxını, yanacaq çənini və oturacağı möhkəm korpusa yerləşdirməyi ustalıqla bacarıb. 
Motosikletə güc verən “Honda”nın 125 cc-lik mühərrikidir. Nəqliyyat vasitəsi mühərrikin gücüylə magistral yolda 100km/saat sürətə qədər yüksələ bilir.
Qeyd edək ki, marka elektromobil versiya üzərində də işlədiklərini bildirib. 

Nərmin Əkbər