Bu kəsişmədə qorxunc qəzalar baş verir - FOTO

Kolumbiya Pike ərazisinin Fairfield küçəsində «ölüm kəsişməsi» adı verilən yolda ötən gün qorxunc qəza baş verib. Avtosfer.az-ın xarici mətbuata istinadən xəbərinə görə, «ölüm qovşağı» adlanan bu küçədə ötən 10 il ərzində çox qorxunc qəzalar yaşanıb. Həmin yolda sürücülər üçün qoyulan sürət məhdudiyyəti 50 olsa da sürücülər çox sürətli və aqressiv sürürlər. Ötən gün 4 maşının toqquşması ilə yaşanan qorxunc qəzada 22 yaşlı Marcelina Cordoba həyatını itirib.  37 yaşlı Filis Fordun idarə etdiyi «Jeep» markalı maşın 22 yaşlı Marcelinanın idarə etdiyi «Audi» markalı maşını vuraraq «Lincoln Navigator» markalı maşına çırpıb. Zərbə nəticəsində çevrilən «Audi» «Saturn Scionala ilə toqquşub. Qəza zamanı xəsarət alan gənc qız ağır vəziyyətdə maşının altından çıxarılaraq xəstəxanaya çatdırılsa da, həyatını xilas etmək mümkün olmayıb. Qəza ilə bağlı araşdırma aparılır. 

Nurlan