Bakıda əyləci tutmayan avtobus doqquz maşını əzdi - DYP-dən xəbərdarlıq - VİDEO

Dünən paytaxtın S.S.Axundov küçəsində “Azadlıq” metro stansiyasının çıxışında “Daewoo” markalı 10-TG-828 nömrə nişanlı avtobusun əyləcinin tutmaması səbəbindən yol nəqliyyat hadisəsi baş vermiş, ölüm halı olmasa da, 9 avtomobilə maddi ziyan dəyib. Bu barədə Avtosfer.az-a BYDPİ-dən məlumat daxil olub. Bildirilib ki, son zamanlar istismara yararsız avtobus və mikroavtobuslarla sərnişin daşıma hallarına tez-tez rast gəlinir.  

Yollarda təhlükəsizliyin təmin olunması və baş verə biləcək ağır qəzaların qarşısının alınması məqsədilə Daxili İşlər Nazirliyinin Baş Dövlət Yol Polisi İdarəsi (BDYPİ) respublika ərazisində sərnişindaşıma fəaliyyəti ilə məşğul olan hüquqi və fiziki  şəxslərin bir daha diqqətinə çatdırır ki, reysqabağı avtobus və mikroavtobusların texniki vəziyyətinin yoxlanılmasını ciddi nəzarətdə saxlasılsın, xüsusən yay aylarında sürücülərin tibbi müayinəsinə və iş rejimlərinə nəzarət gücləndirilsin.

***

Ötən gün Bakıda zəncirvari yol-nəqliyyat hadisəsi verib.

“Unikal”ın məlumatına görə, hadisə metronun “Azadlıq Prospekti” stansiyasının yaxınlığında baş verib. Belə ki, əyləci tutmayan avtobus bir neçə avtomobili əzib.

Qəza zamanı 10-dan çox avtomobilə zərər dəyib.