Elektrikli avtomobil istehsalçısının zərəri artdı

Amerikanın elektrik avtomobil istehsalçısı "Lucid Group" bu ilin üçüncü rübündə xalis zərərini 9% artırıb. Avtosfer.az İqtisadiyyat.az-a istinadən xəbər verir ki, bu barədə şirkətin hesabatında deyilir.

Belə ki, iyul-sentyabr aylarında xalis zərər ötən ilin eyni dövründəki 949,6 milyon dollarla müqayisədə 1,03 milyard dollara yüksəlib. Avtomobil istehsalçısının gəliri isə 68% artaraq 200 milyon dollardan 336,6 milyon dollara çatıb. "Lucid"in avtomobil tədarükü ötən rübdə illik müqayisədə 47% artaraq 4078-ə çatıb İstehsal isə təxminən 2,2 dəfə artaraq 3891 elektrikli avtomobilə çatıb.