«İnfiniti» ilə avtoşluq edən gənc kimdir? - VİDEO

Bakıda «avtoş»luqla məşğul olan daha bir avtomobilin videosu yayılıb. Avtosfer.az-ın məlumatına görə, facebook sosial şəbəkəsində «Avtoşlar» səhifəsində yayılan videoda «İnfiniti» markalı, 90-MP-090 dövlət nömrə nişanlı avtomobilin təmir olunan yolda sürücülük məharətini göstərdiyi əksini tapıb. Yüksək sürətlə hərəkət edən sürücü əl tormozundan istifadə edərək təhlükəli manevrlər nümayiş etdirir.

Sözügedən videonun yayıldığı səhifəyə yazılan şərhlərdən məlum olur ki, bu hadisə Abşeron rayonu, Fatmayi kəndindəki «Həyat» şadlıq evinin qarşısında baş verib. Avtomobil sahibinin isə adının Rauf olduğu bildirilir. Yazılan şərhlərdən o da məlum olur ki, Rauf bu maşınla xeyli vaxtdır «avtoş»luq edir və hətta 250 km/saat sürətlə sürdüyü vaxtlar da olub.

Avtosfer.az-ın əldə etdiyi məlumata görə, bu avtomobil tez-tez Bakının Yasamal rayon Prokuorluğunun binası qarşısında dayanır. Ehtimal olunur ki, avtomobilin sahibi hüquq mühafizə orqanları əməkdaşıdır. Avtomobil sahibinin bu maşını satmağa hazırlaşdığı da bildirilir.

Fərid