Maşın sürən qadınlar təcavüzə məruz qalır

Qadınların avtomobil idarə etməsinin qadağan olunduğu Səudiyyə Ərəbistanında Saleh Əl-Saadun adlı tarixçi yeni açıqlaması ilə təəccüb yaradıb. Tarixçi, avtomobil idarə edən xanımların təcavüzə uğrayacağını bildirib. Avtolent.az-ın türk mətbuatına istinadən verdiyi məlumata görə, Saleh Əl-Saadun qatıldığı televiziya proqramında ölkəsində qadınların avtomobil sürməsini qadağan edən qanuna haqq qazandırmaq üçün belə deyib: “Bir qadın avtomobili idarə etdikdə təcavüzə məruz qalar. Qadınların avtomobil idarə etdiyi digər ölkələrdə bu məsləyə heç kim önəm vermir. Ancaq Səudiyyə Ərəbistanında bu məsələyə önəm verilir. O səbəblə ki, qadınların avtomobil idarə etməsi qadağandır. Əgər bir qadının avtomobili yolda xarab olubsa bu, həmin qadının elə yol kənarındaca təcavüzə məruz qalacağı deməkdir”.