Özü-özünü idarə edən yük maşınları - VİDEO

Dünyanın istənilən ölkəsində yük maşınlarının səbəb olduğu qəzalarda ciddi insan tələfatı qeyə alınır. Həmin qəzaların əksəriyyətində məhz yük maşını sürücüləri günahkar olur. Avosfer.az atvxəbər-ə istinadən məlumat verir ki,  Hollandiyada bir şirkət özü özünü idarə edə bilən yük maşınları istehsal edib. Şirkət rəhbərliyinin iddiasına görə  bu texnikalar sükan arxasındakı sürücülərdən daha dəqiq qərar qəbul edir. İki yük maşınının sınağı bu iddianı  demək olar ki, təsdiqləyib.

Ağır tonnajlı texnika yollarda kifayət qədər sürətlə hərəkət etməsinə baxmayaraq vaxtında dönüb, vaxtında dayanmaqla mütəxəssislərin marağına səbəb olub.

Skaniya şirkətinin istehsal etdiyi yük maşınlarından ikisi sınaq üçün ictimaiyyət qarşısına çıxarılıb. İlk  sınaq olduğundan sükan arxasına sürücü əyləşib, bununla belə maşın hərəkətdə olan vaxt  sürücüyə ehtiyac qalmayıb. Yük maşınına quraşdırılmış “mavi qutu” yolun vəziyyəti ilə bağlı ən son məlumatları  təhlil  edərək, necə hərəkət edəcəyinə qərar verir. Belə ki, bu maşın  əyləci basmaqla bağlı istənilən sürücüdən daha tez  davranır. Avtomobil sıxlığında sürətini lazımi həddə qədər azaldan yük maşını, işıqforun tələblərinə də dəqiqliklə cavab verir. Qeyd edək ki, Hollandiya hökuməti  qarşıdan gələn illərdə  nəqliyyat sektorunda sürücüsüz yük maşınlarının istifadə olunmasında maraqlıdır. Rəsmilər deyir ki,   sürücüsüz yük maşınlarının sərbəst hərəkət edə bilməsi üçün şəhərlərdəki bütün yollara  informasiya ötürən qurğular yerləşdiriləcək. Artıq Rotterdam şəhərinin böyük hissəsi bu baxımdan avtomatlaşdırılıb.