Polis əlini qaldıran şəxsi belə güllələdi - VİDEO

Cənubi Korolina polisi təhlükəsizlik kəmərini bağlamadığına görə saxladığı silahsız sürücünü güllələdiyinə görə vəzifəsindən qovularaq həbs edilib. Anspress-in məlumatına görə, 31 yaşlı polis Şon Qroubert 4 sentyabr tarixində Kolumbiya yaxınlığında baş verən insidentdə sürücü Levar Consu 4 dəfə atəş açır. Lakin hadisənin videoyazısı üzə çıxandan sonra polis zorakılığı gündəmdə olan ölkədə əsl səs küyə səbəb olub. Qroubertin vəzifəsindən sui istifadə bəndi ilə həbsinə order verilib. Polisin günahı sübuta yetirilsə onu 20 il məhkumluq həyatı gözləyir. Hadisənin videosu isə hakimiyyət tərəfindən ötən gün işıq üzü görüb. Görüntülər qaz doldurma məntəqəsi yaxınlığında polisin artıq maşından çıxmış Consa müraciət etməsi ilə başlayır. Qroubert soruşur “Sizin lisenziyanızı görə bilərəm?” bu zaman Cons lisenziya dalınca öz maşınına tərəf çönür və təklifindən düz 4 saniyə sonra polis atəş açmağa başlayır. “Mən sadəcə lisenziyanı götürürdüm, siz dediz lisenziyanı götür!”- deyə Cons qışqırıraraq əlini qaldırır və güllənin təzyiqindən yerə yıxılır. Polis isə ona bir neçə həyəcanlı dəqiqədən sonra “sizin sadəcə təzədən avtomobilə geri qayıtmağınız məni şübhələndirdi”.

Yerdə olan Cons polisdən onu niyə saxladığını soruşduqda isə Qroubert “Ser mən sizi təhlükəsizlik kəmərinizi bağlamadığınıza görə saxladım”.

Hazırda çiynindən güllə yarası alan Cons dindirildikdən sonra xəstəxanadan evinə buraxılır və müalicəsini davam edir.

Qeyd edək ki, hadisənin videosu Missurinin Fergyuson şəhərində baş verən toqquşmalardan bir ay sonra yayılıb. Məhz orada da polisin silahsız qaradəriliyə atəş açıb qətlə yetirməsi, hüquq mühafizə orqanlarının aqressivliyi etirazlara səbəb olmuşdu.

Elməddin