Yol kənarında it uşağa hücum etdi, köməyə yol polisi gəldi - FOTO

Bu gün saat 14:00 radələrində Gəndob-Yalama yolunun 36-cı km-də, yolun Qusarçay kəndi hissəsində xidmət aparan, 2-ci tağımın əməkdaşı, polis baş serjantı Ağayev Röyal Eldar itin hücumuna məruz qalan uşağı xilas edib.

Avtosfer.az-a verilən məlumata görə, itin hücumuna məruz qalan uşaq başından müxtəlif dərəcəli xəsarətlər alıb.

Polis əməkdaşı uşağı ərazidəki vətəndaşların köməyi ilə xəstəxanaya çatdırıb. Uşağa lazımi tibbi yardım göstərilib. 

Məlumata görə, uşaq Bakıdan həmin kəndə qonaq gəlib.

Könül