"Porsche" bu modeldə elektrikə keçməyə tələsmir

Porsche şirkəti 2030-cu ilədək istehsal edəcəyi modellərin 80%-ni elektrik mühərrikinə keçirmək istəyir. Bəs qalan 20% necə olsun?

Avtosfer.az-ın xəbərinə görə, 911 modeli üçün hələ ki heç bir elektrik mühərriki nəzərdə tutulmur. Ştutqartlı istehsalçı bu model üçün benzin mühərrikini maksimum uzun müddətə saxlamağa çalışır. Bəs niyə məhz 911?

Cavab sadədir: Porsche dedikdə çoxlarının ağlına ilk olaraq bu model gəlir. Ötən il satışların cəmi 13%-ni 911 təşkil etsə də, bu model şirkətin marketinq imicini formalaşdırıb.

O ki qaldı şirkətin ilk elektromobilinə, bu, 2024-cü ildə təqdim ediləcək Macan olacaq.

Vüqar