Porsche Münhendə yeni elektrokar nümayiş etdirəcək

Porsche, Münhendə keçiriləcək IAA avtosalonunda “gələcəyə istiqamətləndirilmiş konseptual tədqiqatı” nümayiş etdirmək planlarının olduğunu açıqlayıb. Yeniliyin tizeri Instagram sosial şəbəkəsində yerləşdirilib. Tizeri müşayət edən yazı isə, prototipin avtomobil idmanı ilə əlaqəli olduğuna işarə edir.

Fənərlərdən göründüyü kimi, yeni prototip elektromobildir. Bənzər fənərlər Mission E konseptində və onun ardınca debüt etmiş Taycan modelində də var idi. Gəlin hansı variantlarımızın olduğunu araşdıraq. Batareyalı Porsche Macan krossoveri tamamilə fərqli bir fənər dizaynına sahib olduğu üçün, söhbət mövzusu deyil. Yaxın on ildə 911 sportkarının elektrik ekvivalentinin olmayacaqdır.

Bəlkə bu Audi A6 E-Tron sedanının rəqibidir? Ön tərəfin uzunluğu olduqca qısa göründüyü üçün bu mülahizə də işə yaramır.

Bütün bunlar, 718 ailəsindən olan sportkara işarə edir. Üstəlik, bir müddət bundan pncə, Porsche İdarə Heyətinin üzvü Mixael Ştayner, şirkətin 718 konsept elektromobilini hazırlamaq niyyətində olduğunu bildirmişdi. Qalır bu konseptin idmanla hansı əlaqəsinin olduğunu öyrənmək. Güman edirik ki, bunu öyrənmək uzun sürməyəcəkdir: media nümayəndələri üçün qapılarını 6 sentyabr tarixində açacaq Münhen avtosalonu bütün suallara cavab verəcəkdir.

Bu arada, 718 ailəsinin ən ekstremal üzvünün debütü bizi gözləyir. Söhbət sınaqlar zamanı görüntülənmiş və bu ilin sonuna qədər debüt etməli olan Cayman GT4 RS modelindən gedir.///autograph