“Protiv” yola çıxan sürücü: “Pulum var girirəm” - VİDEO

Qayda pozan sürücünün danışıq və davranışı həmkarının qəzəbinə səbəb olub.
Avtosfer.az xəbər verir ki, qayda pozuntusu paytaxt küçələrindən birində qeydə alınıb. Avtomobilin videoregistratoruna düşən görüntüdən bəlli olduğu kimi, “Hyundai” markalı avtomobilin sürücüsü əks istiqamətdə hərəkət edib. Bu zaman qarşı tərəfdən gələn maşının hərəkətinə mane yaradıb və sürücünü qəzəbləndirib. Belə ki, sürücü ona “Protiv yola çıxmısan, qardaşım” deyə bildirib. Daha sonra qayda pozan şəxs maşınını geri çəkərək ona yol verib. Baş vurduğu əməlin qaydaya zidd olduğunu bildiyi halda gileylənən “Hyundai” sürücüsü “biraz sıxsaydın keçərdim” deyə qeyd edib. Sürücü isə qayda pozduğunu ona bir daha xatırladıb. Bu zaman “pulum var girirəm” deyən sürücü qarşı tərəfi daha da aqressivləşdirib. “Pulun var gəl çıx başıma” deyərək cavab qaytarıb.

Nərmin