Qadın “Jaguar”la kişini piyada keçidində vurdu

Moskvada çəhrayı rəngli “Jaguar” avtomobilində əyləşmiş qadın piyada keçidində piyadanı vurub. İnsident noyabr ayının 27-də Yujnobutovski küçəsində baş verib. Bu barədə Oxu.Az m24.ru saytına istinadən xəbər verir. Avtomobilin sükanı arxasında “Ekstrasenslərin döyüşü”nün 10-cu mövsümünün iştirakçısı Darya Zadoxina olub.

Yol-nəqliyyat hadisəsindən (YNH) sonra hüquq mühafizə orqanları qadını saxlayıblar. Hələ ki zərərçəkənin kimliyini müəyyənləşdirmək mümkün olmayıb. 28 yaşlı qadını piyadanı vurduğu üçün 5 il həbs cəzası gözləyir. Zadoxinanın iştirakçısı olduğu bu ilk ciddi qəza deyil. KİV-in məlumatına görə 2007-ci ildə o Domodedov şosesində qəzaya uğrayıb, bu YNH-dən sonra bir müddət onun ayaqları tutulub.

“Ekstrasenslərin döyüşü” teleşousu ilk dəfə efirdə TNT kanalında 2007-ci ildə çıxıb. Teleşouda “Fövqəlqabiliyyət”ə malik olan insanlara bir sıra sınaqlardan keçmək təklif edilirdi. 2014-cü ilin sentyabr ayının 20-də şounun 15-ci mövsümü başlayıb.