Qaradağda ağır qəza: ölən var

Ötən gün Qaradağ rayonu ərazisində ağır yol qəzası baş verib. Avtosfer.az-ın Daxili İşlər Nazirliyinin mətbuat xidmətinə istinadən verdiyi məlumata görə, Yardımlı rayon sakini Kənan Baloğlanlının idarə etdiyi “VAZ 2106” və Lənkəran rayon sakini Mehman Rzayevin idarə etdiyi “DAF” markalı avtomobillər toqquşub. Nəticədə K.Baloğlanlı və sərnişinləri - Bakı şəhər sakinləri Zahir Şirinov və Əvəzxan Abdullayev xəstəxanaya yerləşdirilib. Lakin Z.Şirinov orada dünyasını dəyişib. Faktla bağlı BDYPİ tərəfindən araşdırma aparılır.

Nurlan