Qatarla avtobusun toqquşmasının videosu yayıldı – VİDEO - FOTO

Rusiyanın Saxalin vilayətinin Qastello məntəqəsində dəmir yol keçidində yol-nəqliyyat hadisəsində həlak olanların kimliyi məlum olub. Anspress-in məlumatına görə, hadisə zamanı sərnişin avtobusu lokomotivlə toqquşub. Qorxunc qəza zamanı beş nəfər həlak olub, 12 nəfər ağır vəziyyətdə xəstəxanaya yerləşdirilib. Qəzanın qurbanları arasında on yaşlı qız uşağı da var. İlkin məlumatlara görə, qəzanın gunahkarı sərnişin avtobusunun sürücüsü olub. Sürücü pis görünüşə və dumana görə manevrin təhlükəsizliyindən əmin olmayıb. Zərər çəkmişlərin sözlərinə görə, avtobus sürücüsü qadağan edən siqnal zamanı keçməyə qərar verib. Müstəntiqlər bu versiyanı yoxlayırlar. Sürücü qəza zamanı sağ qalsa da onun günahı səbəbindən 5 nəfər həyatını itirib. Müstəntiqlər sağ qalmış sərnişinləri sorğu-sual edirlər. Rusiya mətbuatı hadisə zamanı çəkilmiş video görüntünü yayıb. Poronaysk-Cənub-Saxalinsk marşrutu ilə hərəkət edən avtobusda 30 sərnişin olub.