Qənirə Paşayeva qazimizlə görüşüb - FOTO
Avtoxəbər 25 Yanvar 2021 22:38 Oxunub 550
Qənirə Paşayeva qazimizlə görüşüb  - FOTO

Milli Məclisin Mədəniyyət Komitəsinin sədri  Qənirə Paşayeva Vətən Müharibəsinin iştirakçısı, I Qarabağ müharibəsinin qazisi, Bakı şəhər, Nizami rayon sakini Vidadi Məmmədsadıqoğlu Ağagülovla görüşüb, onu tarixi zəfər münasibəti ilə təbrik edib: "Siz I Qarabağ müharibəsinin iştirakçısı olmusuz, 27 sentyabrda Vətən Müharibəsi başlayınca, öz israrlı istəyinizlə yenidən cəbhəyə yollanmısız və dillər əzbəri olan sözünüzlə desək, yarımçıq qalmış işinizi tamamlamğa getmisiz.
Ordumuz, dövlət-xalq birliyi ilə torpaqlarımızı Ermənistanın işğalından azad edərək, xalqımızın 30 illik həsrətinə son qoyub. Vətən Müharibəsində fədakarlıqla iştirak edərək şəhid olan Vətən oğullarına Tanrıdan rəhmət diləyirik! Şəhidlərimizin qanı yerdə qalmayıb. Azərbaycan tarixi zəfər qazanıb. Bu zəfərin qazanılmasında özünəməxsus iştirakı olan siz dəyərli qazimizə bir daha təşəkkür edir, sizi düşmən üzərində tarixi zəfər münasibəti ilə təbrik edirəm"!
Q.Paşayeva V.Ağagülova Təbrik Məktubu və üzərində "Şuşa Azərbaycandır!" yazılmış qol saatı təqdim edib. 
Maraqlı cəbhə xatirələrini danışan V.Ağagülov səmimi görüş üçün Q.Paşayevaya təşəkkür edib.

ŞƏRH YAZ
Ad

E-mail

Şərh