Rayona gedən sürücülərə xəbərdarlıq

Nəqliyyat Nazirliyi “Azəryolservis” ASC Hacıqabul-Bəhramtəpə-Horadiz magistral yolunun bir hissəsinin bağlanması ilə bağlı sürücülərə müraciət edib. Cəmiyyətin mətbuat xidmətinin rəhbəri Pünhan Mürsəliyev bildirib ki, aprelin 25-dən etibarən magistralın Saatlı rayonundan keçən 48-56-cı kilometrliyində üst aşınma qatının salınması ilə əlaqədar yol bağlanacaq. Magistralda sürücülər üçün alternativ yolları işarə edən nişanlar qoyulacaq. Məhdudiyyətin aprelin 28-dək davam etməsi gözlənilir.

Emin