Rayondan Bakıya maşınla gələnlərin nəzərinə - 1500 yerlik parkınq var – FOTO-VİDEO

Bakı Şəhər Dövlət Yol Polisi İdarəsinin baş inspektoru polis mayoru Araz Əsgərli Avtosfer.az-a video təqdim edərək maraqlı məqama toxunub. Bildirib ki, Bakı Beynəlxalq Avtovağzal Kompleksinin çox geniş parkinqi var. Bunu nəzərə alaraq rayonlardan, xüsusən də şimal və şimal-qərb bölgəsindən paytaxta üz tutanlar burada avtomobillərini rahat şəkildə park edə bilərlər. Daha sonra isə paytaxta ictimai nəqliyyatla daxil olmaq mümkündür. Bunun üçün metronun “Avtovağzal” stansiyası və avtobuslar fəaliyyət göstərir.

Araz Əsgərli bildirib ki, parkinqdə qiymətlər elə də baha deyil. Əsas odur ki, rahat və təhlükəsizdir. Üstəlik, şəhərdə sıxlığın qarşısını almaq üçün vətədandaşların bu parkinqdən istifadəsi faydalı ola bilər.

Bakı Beynəlxalq Avtovağzal Kompleksindən Avtosfer.az-a bildirildi ki, 1500 avtomobil yerlik parkinq vətəndaşların ixtiyarındadır. Paytaxt sakinləri və qonaqlar “Avtovağzal“ metrostansiyasına 20 metr məsafədə yerləşən dayancaqda nəqliyyat vasitələrini təhlükəsiz şəraitdə saxlayaraq şəhərdəki digər işlərini rahat şəkildə görə bilərlər.

Dayanacaq 24 saat fasiləsiz xidmət göstərir və daimi kamera nəzarəti ilə təmin olunur.

Emin