Ronaldu 8 milyon avroya “Bugatti Centodieci” aldı - FOTO

“Yuventus” futbol klubunun hücumçusu Kriştiano Ronaldu avtomobil kolleksiyasına yeni maşın əlavə edib. Avtosfer.az xəbər verir ki, portuqaliyalı 8 milyon avroya “Bugatti Centodieci” alıb. Bu barədə “Tuttosport” yazıb.

Məlumata görə, “Bugatti Centodieci” məhdud kolleksiyalı avtomobillərdəndir. Fransız şirkəti belə modeldən cəmi 10 ədəd istehsal edəcək. Modelin buraxılışı, markanın yaranmasının 110 illiyinə təsadüf edir.

Bildirlir ki, maşın 100 km/saatı 2,4 saniyəyə yığır, onun maksimal sürəti 380 km/saatdır.  

Ronaldu, bu avtomobili “Juventus”un A seriyasındakı qələbəsi şərəfinə aldığını, ancaq avtomobili yalnız 2021-ci ildə alacağını söyləyib.

Qeyd edək ki, Ronaldu "Yuve"nin çempionatdakı qələbəsindən sonra 6 milyon avroya yaxta da alıb.

Namiq Musayev