Rusiyanın Avropada satılacaq avtomobil istehsal etmək planının iflası - FOTO

Ukrayna müharibəsinə qədər Rusiya Avropanın avtomobil istehsalçıları ilə çox yaxşı əməkdaşlıq qurmuşdu. Bir çox Qərb modelinin federasiyada yığılması və ya ehtiyat hissələrin hazırlanması həyata keçirilirdi. Lakin 2022-ci ilin martında hər şey dəyişdi.

Avtosfer.az-ın xəbərinə görə, Ukrayna müharibəsinə görə ilk zərbəni Rusiyanın avtomobil sənayesi aldı. Qərbli istehsalçılar qısa vaxtda ölkəni tərk etdilər. 

Bunlardan biri də Avstriyanın Steyr şirkəti idi. Uzun illər QAZ Qrupu ilə əməkdaşlıq edən Steyr burada əsasən mühərrik istehsal edirdi. Lakin bu günlərdə məlum olub ki, şirkət QAZ-ın konveyerində avtomobil istehsal edərək Avropada satmaq istəyirmiş. 

Model olaraq orta tonajlı MAN TGL modeli əsas götürülür. Plana görə Avstriyada istehsal olunan kuzova Rusiyada əlavə komponentlər quraşdırılmalı imiş. İstehsalın Rusiyada həyata keçirilməsinə səbəb həm maya dəyərinin ucuzluğu, həm də bu ölkədən MDB məkanına ixracın daha asan başa gəlməsidir. 

Lakin biznes planlarına Ukrayna müharibəsi son qoydu.

Vüqar