Siz bu yazını oxuyana kimi dünyada 5 adam öləcək – ŞOK STATİSTİKA

Yol hərəkəti üzrə ekspert, hüquqşünas Ərşad Hüseynov özünün facebook səhifəsində maraqlı status paylaşıb. Statusda yol qəzalarında həlak olan insanların ststistikası ilə bağlı dəhşətli rəqəmləri önə çəkən Ərşad Hüseynov insanları yol hərəkəti qaydalarına əməl etməyə çağırıb. Avtosfer.az saytı statusdakı maraqlı məqamları oxucularla bölüşür: «Dostlar, mən bu statusu yazıb, redaktə edib, fb-yə yerləşdirdiyim müddətdə planetimizdə 5 adam yol qəzasında öldü...

Bu həqiqətdir. Staistik məlumatlara görə, son bir ildə planetimizdə 1 milyon 300 min insan yol-nəqliyyat hadisələrində həyatını itirib. Hətta bu məlumatın mötəbərliyini ciddi şübhəyə alan və ölü sayı daha çox olduğunu düşünənlər də var, çünki əksər dövlətlərin rəsmi orqanları belə rəqəmləri azaltmağa meyllidirlər. Deməli, planetimiz yol qəzalarında hər gün təxminən 3561 nəfər, hər saat 148 nəfər, hər 24 saniyədə 1 nəfər itirir. Ona görə də yollarda ehtiyatlı və diqqətli olmalıyıq».

Fidan