Sürətlə gəlib yaşıl işıqda dayandı, görün nə baş verdi – QƏZA VİDEOsu

Bakıda baş vermiş bu yol qəzası ilk baxışdan bu təəssüratı yaradır; sürücü yol hərəkəti qaydalarını bilmir. Hər halda, bilmiş olsaydı svetoforun yaşıl işığında qəflətən dayanıb belə bir qəzanın baş verməsinə səbəb olmazdı.

Avtosfer.az-ın məlumatına görə, bu görüntülər Daxili İşlər Nazirliyinin «Təhlükəsiz şəhər» Avtomatlaşdırılmış İdarəetmə Mərkəzinin kameraları vasitəsilə qeydə alınıb. Kadrlardan görünür ki, sürətlə hərəkət edən «Hyundai» markalı avtomobil svetoforun yaşıl işığında qəfil tormozlama edir. Guya, sağa dönməyə çalışır. Əslində, yol nişanı da buna icazə verir. Yəni, sürücü sağa dönə bilərdi. Amma məsələ burasındadır ki, sağa dönən adam sağ zolaqla hərəkət etməlidir. Orta zolaqla gəlib svetoforun yaşıl işığı yana-yana yolun ortasında qəfil tormoz vermək düzgün deyil. Bunun nəticəsidir ki, arxadan sürətlə gələn «Prado» qəzadan yayına bilmir toqquşma baş verir.

Əziz sürücülər, çalışın çoxzolaqlı yollarda istiqaməti əvvəlcədən müəyyən edib buna uyğun hərəkət zolağı tutun və dönmə işıqlarından vaxtında istifadə etməyə çalışın. Bu qəzadakı «Hyundai»ın sürücüsü kimi, dayanandan sonra dönmə işığını yandırmaq əksər hallarda faydasız olur.

Elməddin