Sürücünün başının qopduğu qəzanın qandonduran TƏFƏRRUATI - İNTİHAR - VİDEO

Bir neçə gün əvvəl paytaxtın Xəzər rayonunda baş vermiş qandonduran qəzanın səbəbi müəyyənləşib.
Avtosfer.az qəzada həyatını itirən 35 yaşlı şəxslə bağlı yeni informasiya əldə edib. Yaxın çevrəsinin verdiyi məlumata əsasən mərhumun həyat yoldaşı qəzadan bir gün öncə ağır xəstəlik səbəbindən intihar edibmiş. 
Bu hadisədən sonra qəzada həlak olan sürücü xanımının ölümünə dözə bilmədiyini qohumları ilə bölüşüb və bunu qaldıra bilməyəcəyini, həyatını sonlandıracağını vurğulayıb. Hadisə baş verməzdən əvvəl isə onlarla hallallaşıb. 
Avtosfer.az bildirir ki, dəhşətli yol-nəqliyyat hadisəsinin intihar olduğu ehtimal edilir.
Xatırladaq ki, ağır yol-nəqliyyat hadisəsi 29 may tarixində, Qala-Pirallahı yolu istiqamətində baş verib. Yüksək sürətlə yoldan çıxan “Toyota Prius” markalı avtomobil yol kənarındakı daşla dolu “Kamaz”a dəyərək tamamilə yararsız hala düşüb. Hadisə yerində ölən sürücünün isə başı, qolu və ayağı bədənindən ayrılıb.

Nərmin