“Toyota” Rusiyadakı müəsisəsini “NAMI”yə təhvil verdi - FOTO

“Toyota” Rusiyadakı istehsal müəsisəsini ölkənin dövlət qurumu NAMI-yə təhvil verdi. Sankt-Peterburqdakı müəsisəsində marka D seqmentdə yer alan modeli “Camry” və “RAV4 SUV” istehsal edilirdi.

Avtosfer.az xəbər verir ki, keçən il “Toyota” Rusiyanın Ukraynaya işğalçılıq siyasətinin ardıyca bir çox avtomobil istehsalçısı kimi bu ölkədəki əməliyyatlarını dondurdu.
Belə ki, yapon istehsalçısı “Toyota”nın Rusiyada yerləşən bazasında il ərzində 100 000-ə yaxın avtomobil istehsal edə bilir. Rusiya bazarına uyğun olaraq istehsal edilən “Camry” və “RAV4” modellərinin buraxıldığı müəsisənin mülkiyyəti “NAMI”yə verilməsi artıq onun yeni sahib olacağını göstərir. 
Qeyd edək ki, Rusiyanın Ukraynadakı işğalçılıq siyasəti səbəbi ilə meydana çıxan təchizat problemləri avtomobil sektorunun istehsalında durğunluğun yaranmasına səbəb oldu. Nəticədə Rusiyada istehsal prosesini həyata keçirən şirkətlər müəsisələrini bağladı, yaxud fəaliyyat göstərən avtomobil şirkətləri də ölkə bazarından çıxma qərarını aldılar. Fəaliyyəti dayandırılan müəsisələrin bəziləri eyni vəziyyətdə olduğu üçün Rusiyadakı yerli şirkətlər və qurumlar tərəfindən satın alınmağa davam edir. Belə ki, fəaliyyətini dondurmuş müəsisələr yenidən istehsala keçə biləcəklər.

Nərmin Əkbər