Yaponiya bəzi avtomobilləri Rusiyaya qadağan etməyi planlaşdırır

Yaponiya hökuməti Rusiya Federasiyasına qarşı əlavə sanksiyalar kimi minik avtomobillərinin tədarükünü məhdudlaşdırmağı planlaşdırır. “Yomiuri” qəzeti yazır ki, söhbət mühərrikinin həcmi 1,9 litrdən çox olan avtomobillərdən gedir.

Bildirilir ki, ixrac ticarətinə nəzarət üzrə hökumət fərmanına yenidən baxılması iyulda Yaponiya Nazirlər Kabinetinin təsdiqini alacaq və avqust ayından tətbiq olunacaq.

Bu, Tokiodan gələn ilk böyük məhdudiyyət deyil. Aprel ayında Rusiyaya dəyəri 6 milyon yendən çox olan avtomobillərin ixracına qadağa qoyulmuşdu. İndi başqa şeylərlə yanaşı, Rusiya Federasiyasına hibrid avtomobillərin və elektromobillərin idxalı qadağan ediləcək. Nəticədə qaydaların sərtləşdirilməsi ilə əlaqədar Rusiyaya yalnız kiçik avtomobillər tədarük ediləcək.