Yeni “Lada Iskra”nın seriya istehsalına başlanılır - Tarix məlum oldu

Yeni “Lada Iskra” avtomobilinin seriya istehsalına 2025-ci ilin aprelində başlanacaq.

Avtosfer.az xəbər verir ki, bu barədə şirkətin texnoloji inkişaf strategiyası üzrə vitse-prezidenti Yevgeni Şmelev “AvtoVAZ”a səfəri zamanı bildirib.

O qeyd edib ki, sanksiyalar tətbiq olunduqdan və Qərb şirkətləri Rusiya Federasiyasından çıxdıqdan sonra komponentlərə əhəmiyyətli düzəlişlər edilib və təchizatçılarla ciddi iş aparılıb.

“AvtoVAZ” modelində “Lada Iskra” “Lada Granta”dan bir pillə yüksək, lakin daha bahalı və geniş “Lada Vesta”dan aşağı olacaq.

Y.Şmelev bildirib ki, “Lada Iskra” sedan, universal və universal Cross kuzovlarında təklif olunacaq:

“Yeni model üç növ güc bloku ilə təqdim olunacaq: 90 at güclü 1,6 litrlik baza mühərrikli 5 pilləli mexaniki transmissiya, 106 at güclü 1,6 litrlik mühərrik isə 5 pilləli mexaniki və ya avtomatik transmissiya ilə.

“Cross” versiyanın arxa oturacağında üç baş dayağı, “Vesta”dan götürülmüş çoxfunksiyalı sükan, bütün qapılarda avtomatik şüşəqaldırma, kondisioner və audiosistem - rəng seçimi isə boz, qəhvəyi, moruq və ağ rənglərdə olacaq”.

Namiq Musayev