Yol hərəkəti qaydalarına və cərimələrə dəyişiklik edilir - VİDEO

Azərbaycanın avtomobil yollarında yol hərəkəti təhlükəsizliyinin təmin edilməsi qaydalarının pozulmasına görə tətbiq edilən cərimələrə müəyyən dəyişikliklərin edilməsi nəzərdə tutulur. Avtosfer.az-ın ANS-ə istinadən məlumatına görə, məsələ Mlli Məclisin iclasında müzakirəyə çıxarılacaq. Millət vəkili Çingiz Qənizadənin sözlərinə görə, dəyişikliklərdə yollarda müəyyən tikililərin aparılması, eləcə də bu yolların bərbad vəziyyətə salınmasına xidmət edən digər işlərin həyata keçirilməsi və digər məsələlər əksini tapıb: «Eyni zamanda, avtomobil yollarında razılaşdırılmamış reklam xarakterli lövhələrin qoyulmasıdır ki, bu da təhlükəsizlik qaydalarını pozulması ilə nəticələnə bilən hallardır. Hətta müvaffiq dövlət orqanı, həmin yola aid olmayan yol nişanlarını orada quraşdırılması ilə də bağlı artıq hüquqi və fiziki şəxslərin inzibati qaydada cəzalandırılması nəzəzrdə tutulub”.