Yük maşını yol polisinin maşınını əzdi - FOTOLAR

Türkiyənin Antalya –Mersin D-400 yolunda çox ağır bir qəza baş verib. Avtosfer.az-ın Türkiyə mətbuatına istinadən xəbərinə görə, hadisə dünən səhər saat 06:00 radələrində baş verib.  Antalya istiqamətində hərəkət edən yük maşınının 45 yaşlı sürücüsü Hasan Yurttaş sükan arxasında yatdığı üçün nəzarəti itirib. Bu zaman yolda yoxlanış üçün gözləyən polis maşınını vurub. Yük maşını polis maşınını altına alaraq yolun kənarına qədər sürütləyib. Maşındakı 43 yaşlı polis Mehmet Sert hadisə yerində ölüb. Eyni yaşda olan digər polis Hasan Ali Şən ağır yaralanıb. Faktla bağlı araşdırma aparılır. 

Nurlan