20 gündür yoxa çıxan avtomobil tapıldı - VİDEO

Avtomobilini ustaya verən paytaxt sakinin başına qəribə hadisə gəlib. İki günə təmir edilməli maşın 20 gündir ki, tapılmırdı.Usta işlədiyi servisdən çıxaraq avtomobili də özü ilə aparıb.Avtosfer.az xəbər verir ki, XəzərXəbər-in çəkiliş qrupunun müdaxiləsi ilə maşını tapmaq mümkün olub.

2 günə təmir edilməli maşın 20 gündür ki, yoxa çıxıb.

Paytaxt sakini Vüqar Qasımov avtomobilini təmir üçün servisə  gətirib.Usta ona avtomobili 2 günə hazır edəcəyini deyib və 370 manata başa gələcək təmir üçün ilkin olaraq 170 manat pul alıb. Lakin sonradan hər gün fərqli bəhanə gətirərək təmirin uzandığını deyib.

Vüqar Qasımov sonradan qalan pulu da kart vasitəsi ilə ustaya ödəyib. Lakin nə qədər ustaya zəng vursa da, onu tapa bilməyib. Avtomobilin təmir edildiyi servisdə isə nə maşını nə də ustanı görmədiklərini deyiblər.

Biz də Avtomobilin təmir üçün aparıldığı həmin servisə baş çəkdik. Oradan bildirdilər ki, həmin usta artıq burda işləmir. Həmin avtomobili isə başqa servisdə görüblər. Birlikdə deyilən ikinci servisə yollandıq. Vüqar Qasımova məxsus avtomobili məhz orada tapdıq. Özü də təmirsiz vəziyyətdə.

Vüqar Qasımov ustanın tapılması və ona dəyən ziyanın ödənilməsi üçün 102 xidmətinə müraciət edib.