“3 il öncə qanun qəbul etmişik, lakin işləmir” - Cavanşir Paşazadə

“Biz 3 il öncə pay torpaqları ilə bağlı qanun qəbul etmişik, lakin qanun indiyə qədər işləmir”. Bunu Milli Məclisin bu gün keçirilən iclasında cari məsələlərin müzakirəsi zamanı deputat Cavanşir Paşazadə deyib. O bildirib ki, qanunun işlək hala gətirilməsinə ehtiyac var: “Lənkəran sitrusçuluq və çayçılıqla məşğul olan bölgədir. Xalq Cəbhəsi dövründə çayçılıqla bağlı olan torpaq sahələri məhv edildi. Suvarma problemi isə bu gün də bu bölgədə qalmaqdadır. Su problemi çayçılığın inkişafına bu gün də mane olur. Su anbarları 60 il əvvəl tikilib, artıq lillə dolub. Anbarları təmizləmək lazımdır”. (Modern.az)