6 yaşlı qızın qulağından qızıl sırğanı açıb oğurladı - Sumqayıtda

Sumqayıtda soyğunçuluq hadisəsi baş verib. DİN-dən verilən məlumata görə, iyulun 22-də Sumqayıt şəhəri, 34-cü məhəllənin ərazisində naməlum şəxsin şəhər sakini olan 6 yaşlı qızın qulağından qızıl sırğanı açaraq aparması barədə Sumqayıt Şəhər Polis İdarəsinin (ŞPİ) 3-cü Polis Bölməsinə (PB) müraciət daxil olub.

Dərhal polis əməkdaşları tərəfindən müvafiq tədbirlər həyata keçirilib.

Əməliyyat-axtarış tədbirləri nəticəsində soyğunçuluğu törətməkdə şübhəli bilinən şəhər sakini, əvvəllər məhkum olunmuş T.Hacıyev müəyyən edilərək saxlanılıb.

Sumqayıt ŞPİ-də araşdırma aparılır.

Namiq Musayev