ABŞ-da tornado azı 33 can aldı - FOTO

Aprelin 12-dən başlayaraq yağan leysan və güclü külək ABŞ-ın cənub-şərqində yerləşən ştatlarına ciddi ziyan vurub. Avtosfer.az xəbər verir ki, təbii fəlakət azı 33 nəfərin həyatına son qoyub. Bu barədə “NBC” telekanalı məlumat yayıb.

Telekanalın məlumatına görə, Alabama, Corciya, Luiziana və Missisipi ştatlarında fövqəladə vəziyyət elan olunub.

Ən çox zərər isə Missisipi ştatına dəyib, orada qeyri-sabit hava şəraiti səbəbindən azı 11 nəfər dünyasını dəyişib. Cənubi Karolinada 9, Corciyada 8, Tennessi 3, Arkanzas və Şimali Karolinanın hər birində 1 nəfər ölüb.

1 milyondan çox insan elektrik enerjisiz qalıb.

Namiq Musayev