ABŞ-da yük maşınlarından koronavirusdan ölən meyitlər aşkarlandı

ABŞ-ın Nyu-York şəhərində polis içərisində onlarla insanın çürümüş cəsədi olan yük maşınları aşkarlayıb. Avtosfer.az xəbər verir ki, hadisə şəhərin Bruklin rayonunda qeydə alınıb. Bu barədə "The New York Times" qəzeti məlumat yayıb. 
Məlumata görə, ərazidə yaşayan sakinlər polisə ətrafdan pis qoxunun gəlməsi ilə bağlı şikayət ediblər. 
Bundan sonra deyilən ünvanlarda araşdırma aparan hüquq-mühafizə orqan əməkdaşları içərisində meyitlərin olduğu yük maşınları aşkara çıxarıblar. 
Qəzet, maşınlarda olan insanların koronavirusdan öldüklərini, lakin ölənlərin sayı barədə dəqiq məlumatlarının olmadığını yazıb. 
Nəşr həmçinin qeyd edib ki, yük maşını dəfn bürosuna məxsus olub, soyuducu kameralarında nasazlıq yarandığından onlar meyitləri yük maşınlarında saxlamaq məcburiyyətində qalıblar. Hazırda hüquq-mühafizə orqanları tərəfindən araşdırmalara başlanılıb. 

Namiq Musayev