ABŞ Senatı Trampın İranla müharibə planını dəstəklədi

ABŞ Senatı Donald Trampın İrana qarşı müharibə aparmaq səlahiyyətini məhdudlaşdıran qətnaməni cüzi səslə rədd edib.

Avtosfer.az Teleqraf-a istinadən xəbər verir ki, bu, Oreqon ştatından senator Jeff Merkleyin Trampın hərbi səlahiyyətlərini məhdudlaşdırmaq üçün yeddinci uğursuz cəhdi idi. Səsvermə 50-49 nisbətində başa çatıb.

Demokratlar iddia edirlər ki, Müharibə Səlahiyyətləri Qanununa əsasən, Tramp martın əvvəlində İrana zərbələr barədə qanunvericilərə məlumat verdikdən sonra administrasiya hərbi əməliyyatlara başlamaq üçün 1 maya qədər Konqresin təsdiqini almalı idi.

Demokratlar prezidentin hazırda qanunu açıq şəkildə pozduğunu bildirirlər. Ağ Ev bu iddianı rədd edir.