Açıq havada niyə maska taxaq? - VİDEO

Koronavirusla mübarizədə tibbi maskadan istifadə əksər ölkələrdə olduğu kimi Azərbaycanda da mütləqdir.

Pandemiyanın əvvəlində hər kəsin özünü qorumaq üçün istifadə etdiyi tibbi maska ilə bağlı fikirlər indi birmənalı deyil. Bəziləri maskanın açıq havada zəruri olmadığını, havanın temperaturunun artdığı vaxtda əlavə çətinliklər yaratdığını düşünürlər. Ola bilsin ki, maskadan istifadə nəfəs almaqda müəyyən çətinliklər yaradır. Lakin onu taxmasaq, qarşılaşa biləcəyimiz koronavirus təhlükəsinin daha böyük çətinliklər yaradacağını və hətta həyatımızı itirmək təhlükəsi ola biləcəyini unutmamalıyıq. 

Açıq havada, yəni parklarda və digər ictimai məkanlarda günün fərqli saatlarında insanların sıxlığı müşahidə olunur. Xüsusən axşam saatlarında belə yerlərə nəzər salsaq, sosial məsafənin qorunmadığını da görə bilərik. Bu və digər səbəblər, bizə açıq havada da tibbi maskanın zəruriliyini göstərir.

Tibbi maskadan imtina koronavirusla mübarizənin son mərhələsində atılacaq addımlardandır. Ona görə də vətəndaşlarının əksəriyyəti peyvəndlənən və karantin qadağalarının demək olar ki, olmadığı ölkələrdə də maskadan istifadə mütləqdir.