Aeroportda COVID-19 xəstələrinin aşkarlanması üçün itlərdən istifadə edilir

Birləşmiş Ərəb Əmirliklərinin Dubay şəhərinin beynəlxalq aeroportu koronavirusla mübarizəyə kinoloq və itləri cəlb etməyə başlayıb.  İtlər koronavirus infeksiyasına yoluxan insanları iyləyərək tapacaq. Tədqiqatın nəticələri infeksiya ilə mübarizədə iybilmə qabiliyyətinin dəqiqliyinin 82 faiz olduğunu göstərib. İybilmə qabiliyyəti çox kəskin olan itlər əsasən partladıcı maddə və narkotik vasitələrin axtarışında istifadə edilir. İtlərə koronavirusu aşkar etmə bacarığının aşılanması ciddi və uzun sürən prosesdir. Bunun üçün laboratoriya, xüsusi avadanlıq və xəstə insanların təri lazımdır. Dubay aeroportu yeni koronavirus infeksiyasının yayılmasına qarşı mübarizədə itlərdən istifadə etmək qərarına gələn ilk hava limanıdır. Qeyd edək ki, iyul ayından etibarən Dubay turistlər üçün açıq şəhər elan olunub. Bura səyahət etmək istəyən turistlər şəhərə gəlmədən 96 saat ərzində COVID-19 testi verməlidir. (AZƏRTAC)