Ağdam kənd sakini: Hamımız evimizdəyik, heç kim heç yerə getmir - FOTO

Dünən axşamdan Azərbaycan-Ermənistan dövlət sərhədinin Tovuz rayonu ərazisində nisbi sakitlikdir. Bunu Tovuz rayonunun Ağdam kənd sakini İsa Əliyev deyib. Onun sözlərinə görə, hazırda ərazidə atışma yoxdur: "Dünəndən artıq sakitlikdir, atəş səsləri eşidilmir. Biz heç yerə getməmişik, öz evlərimizdəyilk, heç yerə getmək fikrimiz də yoxdur. Biz 90-cı illərdə də öz kəndimizdə, evimizdə olmuşuq. Bundan sonra da axıra qədər öz kəndimizdə olacağıq. Hamımız öz evimizdə, həyətimizdə gündəlik təsərrüfat işləri ilə məşğul oluruq". (Trend)