Ağdamda dəmir yolu və avtovağzal kompleksinin tikintisi bu il başa çatacaq - FOTO - VİDEO

Ağdam şəhərində tikintisi həyata keçirilən layihələrdən biri də dəmir yolu və avtovağzal kompleksidir.
Avtosfer.az xəbər verir ki, "Azərtac"ın bölgə müxbiri Dəmir yolu və avtovağzal kompleksinin ərazisində olub, inşaat işləri ilə maraqlanıb. Zirzəmi, üç mərtəbə və terrasdan ibarət olmaqla, layihələndirilən kompleks vahid nəqliyyat qovşağı şəklində milli arxitektura üslubunda dizayn edilir.
Kompleksin birinci mərtəbəsində dispetçer, həkim, elektrik mühəndisləri, rabitə mexanika otaqları, gözləmə zalları, bilet kassaları, tibb və polis məntəqələri, ana və uşaq otağı, əl yüklərini saxlama kamerası olacaq. Sərnişinlər bu mərtəbədən həm qatarın perronuna, həm də avtobuslar üçün nəzərdə tutulmuş dayanacaqlara rahat keçid edə biləcəklər. 2-ci mərtəbədə dispetçer, mühasib, müdir, server otaqları olacaq. 3-cü mərtəbədə isə mağazalar, uşaqlar üçün əyləncə zonası, boulinq zalı, kitabxana, restoran və istirahət guşələri yaradılacaq.
Binanın tikintisində dəmir-beton işləri tamamlanıb. Hazırda binanın içərisində kommunikasiya xətlərinin çəkilməsi və təmir işləri davam etdirilir.
Kompleksin ərazisində, həmçinin yol işçiləri üçün bina, qazanxana, orta və iri tutumlu nəqliyyat vasitələrinin servisi binası, kiçiktutumlu və fərdi nəqliyyat vasitələrinin servis binası, yeraltı içməli, yanğın və çirkab su anbarları, transformator yarımstansiyası, piyadaların hərəkəti üçün 350 metr uzunluqda sərnişin platforması tikilib.
Ərazidə fərdi nəqliyyat vasitələri üçün yerüstü avtodayanacaq, şəhərdaxili marşrutlar üzrə avtobuslar üçün 16 yerlik perronlar, şəhərlərarası marşrutlar üzrə avtobuslar üçün 16 yerlik perronlar, rayondaxili marşrutlar üzrə avtobuslar üçün 24 yerlik perronlar, orta və iritutumlu nəqliyyat vasitələri üçün yerüstü avtodayanacaq, fiziki məhdudiyyətli şəxslər üçün yerüstü avtomobil dayanacağı, taksi dayanacağı, park, nəzarət-buraxılış məntəqəsi, qazanxana, velosiped dayanacağı, avtomobillər üçün elektrik doldurma məntəqəsi də yaradılacaq.
Dəmir yolu və avtovağzal kompleksində tikinti işlərinin 2025-ci ildə başa çatdırılması nəzərdə tutulur. Dəmir yolu vağzalı gündəlik 800-1000 nəfər sərnişinin daşınmasına imkan verəcək. Avtovağzal isə gündəlik 1300-1500 nəfər sərnişinə xidmət edəcək. Kompleks sərnişinlərə xidmət etməklə yanaşı, həm də Ağdam rayonunun logistik imkanlarını genişləndirəcək.









Orta Dəhlizin inkişafı Azərbaycanın tranzit imkanlarını necə dəyişəcək? – AÇIQLAMA
Ölkənin nəqliyyat sistemi növbəti yağışlara necə hazırlaşmalıdır? - AÇIQLAMA
Gürcüstanda avtomobil rüsumları artırılır: Azərbaycan bazarına təsiri necə olacaq? - AÇIQLAMA
Təcili yardımın arxası ilə gedən sürücülərə DİN-dən XƏBƏRDARLIQ - VİDEO
Səkilərdə piyadaların maneəsiz hərəkəti necə təmin edilməlidir? – TƏKLİF
Bu yollarda tıxac var - Sürücülərin NƏZƏRİNƏ!
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI












