Ağstafa sakinlərinə tibbi maska paylandı - FOTO

Ölkəmizdə koronavirus pandemiyasının yayılmasının qarşısının alınması istiqamətində tədbirlər davam etdirilir.

Avtosfer.az xəbər verir ki, bununla bağlı Daxili İşlər Nazirliyinin Mətbuat Xidmətinin Gəncə regional qrupu məlumat yayıb.

Bildirilib ki, əhalinin sanitar-karantin qaydalarına əməl etməsi üçün daxili işlər orqanları tərəfindən maarifləndirici, izahedici söhbətlər aparılır.

Karantin qaydalarına riayət etməyənlər barəsində qanunamüvafiq tədbirlər görür.

Növbəti belə tədbirlərdən biri də Ağstafada baş tutub. Sanitar rejiminin qaydalarına riayət etmək məqsədilə Ağstafa Rayon Polis Şöbəsinin əməkdaşları sakinlərin daha sıx toplaşdığı, hərəkətin intensiv olduğu ərazilərdə maarifləndirici söhbətlər aparıb, sanitar rejimin tələbləri izah edilib, sosial məsafənin qorunması və tibbi maskalardan istifadənin zəruri olması vətəndaşların diqqətinə çatdırıb. Eyni zamanda, vətəndaşlara tibbi maskalar paylanılıb.