ASAN könüllüləri və “Azərsun”dan polislərə təşəkkür - FOTO

“ASAN Könüllüləri" Təşkilatı  "Azərsun" Holdinqin xüsusi karantin rejimi dövründəki  sosial təşəbbüsünə dəstək göstərib.

Avtosfer.az xəbər verir ki, 4 gün müddətini əhatə edən layihə çərçivəsində Bakı şəhəri ərazisində 2 növbə‭ ‬ üzrə‭ ‬  160 stasionar postda xidmət aparan polis əməkdaşlarına  ASAN könüllüləri tərəfindən "Azərsun" məhsulları və çay termosları hədiyyə olunub. 

#VAROLUN sosial çağırışı ilə həyata keçirilən layihənin məqsədi xüsusi karantin rejimi dövründə fasiləsiz xidmət göstərən polislərə vətəndaşlarımızın təşəkkür mesajının çatdırılması olub.

Daxili İşlər Nazirliyi  də öz növbəsində bu layihənin təşəbbüskarlarına təşəkkür edərək,  bu dəstəyin onların fasiləsiz xidmətə cəlb olunan  bütün əməkdaşlarında güc, həvəs yaratdığını və onların vəzifələrinin layiqincə həyata keçirilməsində ruhlandırdığını qeyd edib.