Avstraliyada şəxs bıçaqla insanlara hücum etdi: 2 ölü, 2 yaralı

Avstraliyada bıçaqla silahlanmış şəxsin küçədə insanlara hücum etməsi nəticəsində 2 nəfər ölüb, daha 2-si isə xəsarət alıb. Avtosfer.az xəbər verir ki, insident Melburn şəhərində baş verib. Bu barədə “TASS” agentliyi məlumat yayıb.

Məlumata görə, martın 11-də axşam saatlarında cinayətkar şəhər küçələrində bir neçə dəfə insanlara hücum çəkərək bir polisi və iki qadını bıçaqlayıb. Qadınlardan biri xəstəxanada ölüb, digərinin isə vəziyyəti ağırdır. Martın 12-si axşam saatlarında o, daha bir şəxsə hücum edib. Həmin şəxs aldığı xəsarətlərdən hadisə yerində dünyasını dəyişib.

Polis əməkdaşları şübhəli şəxsi yaxalayarkən o, müqavimət göstərib və güllələnib. 

Ştatın polis komissarı Qrema Eştonun sözlərinə görə, hücum edən şəxsin kimliyi artıq müəyyənləşdirilib. Onun terror təşkilatları ilə əlaqəsi və kriminal keçmişi olmayıb.

Təhqiqatçılar hadisənin əsl səbəblərini araşdırır.

Namiq Musayev