Avtomobil partladıldı; 11 polis həlak oldu

Əfqanıstanın şimal-şərqində baş verən partlayışda 11 polis əməkdaşı həlak olub. Avtosfer.az xəbər verir ki, insident iyunun 6-da Badahşan əyalətində qeydə alınıb. Bu barədə “Tolo News” telekanalı məlumat yayıb.

Telekanalın məlumatına görə, yol kənarına quraşdırılmış bombanın işə salınması nəticəsində içərisində qrup rəhbəri ilə birlikdə 11 polisin olduğu avtomobil partladılıb.

Hadisə yerinə hüquq-mühafizə orqanlarının əməkdaşları və istintaqçılar cəlb edilib.

Digər təfərruatlar barədə məlumat verilmir.

Namiq Musayev